Дзяржаўная ўстанова культуры «Бабруйскі мастацкі музей»

Афіцыйнай датай адкрыцця музея, які быў заснаваны на базе ўстановы культуры "Выставачны зал г. Бабруйска", лічыцца 8 ліпеня 2009 г. Урачыстае адкрыццё музея для наведвальнікаў адбылося пасля рэканструкцыі памяшкання 30 ліпеня 2012 г. Сёння музей мае 2 памяшканні ў Бабруйску: мастацкая галерэя па вул. М.Горкага, 28 і выставачная зала па вул. Сацыялістычнай, 100. Місія музея - захаванне для будучага пакалення твораў прафесійных мастакоў, чыё жыццё і творчасць былі звязаны з Бабруйскім краем. Асноўнай экспазіцыяй на сённяшні дзень з'яўляецца экспазіцыя твораў бабруйскіх мастакоў. На пачатак 2012 г. колькасць адзінак захоўвання асноўнага фонду - 500. Найбольш адметныя калекцыі: сучасная мастацкая кераміка, эстампы Г.Г. Паплаўскага, камяні і мінералы. З 2003 г. установа ўдзельнічае ў штогадовых міжнародных пленэрах па кераміцы "Арт-Жыжаль" у Бабруйску.
Першы нацыянальны форум "Музеі Беларусі".
Каталог музеяў. Міністэрства культуры Рэспублікі Беларусь, 2012.